Mazkur kurs Islom taraqqiyot banki (ITB), Maktabgacha va maktab ta’limi vazirligi hamda UNICEF hamkorligida “O‘zbekiston Respublikasida sifatli maktabgacha ta’limdan foydalanish imkoniyatlarini kengaytirish” loyihasi doirasida tashkil etilmoqda.

Bundan asosiy maqsad — maktabgacha ta’lim tizimida uchrayotgan dolzarb muammolarni bartaraf etishda tarbiyachilarning rolini kuchaytirish, ularning kasbiy salohiyatini oshirish, zamonaviy pedagogik yondashuvlarni amaliyotga tatbiq etish va trenerlik ko‘nikmalarini rivojlantirishdan iborat.

Kurs joriy yilning 17-oktabriga qadar davom etadi. Unda respublikamizning 12 ta hududiy pedagogika oliy ta’lim muassasalari maktabgacha ta’lim yo’nalishi mutaxassislari ham ishtirok etmoqda.

Mazkur tashabbus maktabgacha ta’lim sifatini oshirish, malakali kadrlarni tayyorlashga qaratilgan muhim qadam hisoblanadi.