Oʻzbekiston Respublikasi Prezidentining 2026-yil 21-sentabrdagi
“Tennis sport turini ommalashtirish va rivojlantirish chora-tadbirlari toʻgʻrisida”gi tegishli
qaroriga muvofiq:
👉 2027-yil 1-yanvardan boshlab — umumiy oʻrta taʼlim tashkilotlarida “Juniors Tennis Initiative” dasturi joriy qilinadi. Bunda dastur doirasida:
➖ 1–4-sinf oʻquvchilari uchun jismoniy tarbiya darslarida tennisga qiziqishni shakllantirish boʻyicha boshlangʻich mashgʻulotlar yoʻlga qoʻyiladi;
➖ oʻquvchilarning tennisga qiziqishi hamda sport infratuzilmasi mavjudligiga qarab tennis rivojlantiriladigan umumiy oʻrta taʼlim tashkilotlari tanlab olinadi;
➖ tanlab olingan umumiy oʻrta taʼlim tashkilotlarida tennis boʻyicha sport seksiyalari tashkil etiladi hamda ularning moddiy-texnika bazasi yaxshilanib, sport inventarlari, shu jumladan, “tennis wall” moslamalari bilan Oʻzbekiston tennis federatsiyasi mablagʻlari hisobidan jihozlanadi;
➖ mashgʻulotlar tanlab olingan umumiy oʻrta taʼlim tashkiloti joylashgan hududdagi sport maktabidan jalb etilgan trenerlar tomonidan olib boriladi.
👉 Shuningdek, qaror bilan:
🔹 Osiyo va Paraosiyo oʻyinlari gʻoliblari hamda sovrindorlari:
🥇oltin medal uchun — 25 000 AQSH dollari;
🥈kumush medal uchun — 12 500 AQSH dollari;
🥉bronza medal uchun — 6 250 AQSH dollari miqdorda bir martalik;
🔹 Osiyo va Paraosiyo oʻyinlarida gʻolib va sovrindor boʻlgan sportchilarni tayyorlagan trenerlar:
🥇oltin medal uchun — 10 000 AQSH dollari;
🥈kumush medal uchun — 5 000 AQSH dollari;
🥉bronza medal uchun — 2 500 AQSH dollari miqdorida bir martalik pul mukofoti bilan ragʻbatlantiriladi.
